HAAN MAIN GHAREEB KA BETA HON POEM IN HINDI


Haan me gareeb ka beta hun-bewafai.in

HAAN,
MAIN GHAREEB KA BETA HON…

Zindagi Ko Sitam Main Kehta Hon.

Majbooriyon Me Bhi Khush Rehta Hon.
Chand Boondon Se Pait Bhar Leta Hon.

kyun k
MAIN GHAREEB KA BETA HON…

Thandi Mein Thithoor Leta Hon,
Basaat Mein Bheeg Leta Hon,
Garmi Paaon Jalaati Hai …….to
Pathron Pe Main So Leta Hon.

kyun k
MAIN GHAREEB KA BETA HON…

Kabhi Sabzi, To Kabhi Kuch Na Milay,
Namak, Roti Pe Main Jee Leta Hon,
Zakham Chahay Jaisa Bhi Ho,
Thori Haldi Main Laga Leta Hon,

kyun k
MAIN GHAREEB KA BETA HON…

Ek Kameez, Ek Patloon,
Roz Bina Saboon Main Dhota Hon,
Bari Dukaano Ki Ronak Dekh,
Aksar Khush Main Ho Leta Hon,

kyun k
MAIN GHAREEB KA BETA HON…

Gham Bhi Bohot Hai.. Dard Bhi Hai..
Dil Mein Sab Dabaa Leta Hon,
Kabhi Akelay, To Kabhi Sab k Samnay,
Aankhon Se Angootha Bhigo Leta Hon,

kyun k
MAIN GHAREEB KA BETA HON..!

Share This:

Reply